झापा । झापाको अर्जुनधारा नगरपालिकाबाट भरुवा बन्दुक १ थान र चोरीका सामानसहित प्रहरीले ३ जनालाई पक्राउ गरेको छ।
शुक्रबार राति अन्दाजी १०:१० बजे अर्जुनधारा नगरपालिका वडा नं.०७ मिलडाँडा बस्ने ईन्दिरा अधिकारीले संचालन गरेको किराना पसलमा ताला फुटाई विभिन्न सामानहरुचोरी भएको उजुरी प्रहरी चौकी शनिश्चरेमा परेको थियोे ।
उजुरी पछि प्रहरी चौकी शनिश्चरेबाट प्रहरी टोली खटि गई चोरी गर्ने व्यक्तिहरुको अनुसन्धान तथा खोजतलास शुरु भएको थियोे । सोही क्रममा हिजो शनिबार २६ गते अन्दाजी १०:३० बजेको समयमा अर्जुनधारा नगरपालिका वडा नं. ०४ देवान चोक स्थित चोरीमा संलग्न युवाहरूलाई शंकाष्पद अवस्थामा फेला पारी नियन्त्रणमा लिइएको थियोे । 
उनिहरु मध्ये वर्ष २२ को छिरिङ तामाङको घरमा लुकाई छिपाई राखिएको अवस्थामा १ थान भरुवा बन्दुक समेत फेला परेकोले बरामद गरि नियन्त्रणमा लिई इलाका प्रहरी कार्यालय अनारमनी झापामा राखी थप अनुसन्धान कार्य जारी रहेको प्रहरी जनाएको छ।
पक्राउ पर्नेमा अर्जुनधारा नगररपालिका वडा नं. ०४ वस्ने वर्ष १९ को आदित्य लिम्बु , सोही स्थानका २२ वर्षीय छिरिङ तामाङ र २१ वर्षीय निखिल तामाङ रहेका छन्। पक्राउ परेका आदित्यको साथबाट चांदिको सिक्री-१ थान, नेपाल टेलीकमको रु.५० दरको रिचार्ज कार्ड १९ थान- सहित फेला पारी पक्राउ गरिएको छ।
त्यस्तै छिरिङ तामाङको साथबाट चांदिको औठी- २ थान, चांदिको पाउजु- २ थान र चांदिको सिक्री-१ थान, एनसेल कम्पनीको रु.५० दरको रिचार्ज कार्ड ५-थान सहित फेला पारी पक्राउ गरिएको छ भने निखिल तामाङको साथबाट चांदीको सिक्री-१ थान, चोरी गर्दा प्रयोग भएको खुकुरी-१ थान र किराना पसलबाट बरामद गरिएको सामानहरु रहेको प्रहरीले जनाएको छ। 
Nepali