अत्यधिक गर्मि बढेपछि मेचीनगरका विद्यालयहरु आजदेखि २ दिन बिदा हुने

मेचिनगर। केहिदिनदेखि अत्याधिक गर्मी बढेपछि मेचीनगर नगरपाकिका भित्र सञ्चालित सम्पूर्ण विद्यालयहरुमा २ दिन बिदा दिइएको छ । आज बिहिवार र भोलि शुक्रबार गरि २ दिन बिदा तोकिएको शिक्षा शाखाले जनाएको छ। पर्सि शनिबार परेकाले बिदा ३ दिन लगातार विदा हुने भएको छ।

मेचीनगनर नगरपालिकाका शिक्षा शाखा प्रमुख होमनाथ भण्डारीले फेसबुक मार्फत सूचना जारी गर्दै नगरभित्र सञ्चालित सामुदायिक/संस्थागत/धार्मिक सबै प्रकारका विद्यालयहरुमा पछि बर्खेबिदाबाट कट्टीहुनेगरी बिदा दिइएको उल्लेख गरिएको छ ।

अत्याधिक गर्मीका कारण पछिल्लो समय तराईका अधिकांश जिल्लाहरुमा धमाधम विद्यालयहरु बन्द भैरहेका छन्,।