मेचीनगर। महाकवि लक्ष्मीप्रसाद देवकोटाको ११६ औ जन्म जयन्तीको अवसरमा सञ्चारकर्मी युवराज आचार्य सम्मानित भएका छन्।
आज झापाको मेचीनगर -६ मा अवस्थित देवकोटा पार्क व्यवस्थापन समितिको आयोजनामा भएको देवकोटा जन्म जयन्ती विशेष समारोहबीच सक्रिय सञ्चारकर्मी युवराज आचार्यलाई नगद ५ हजार र प्रमाणपत्रद्वारा सम्मान गरिएको हो ।
आचार्यलाई कार्यक्रमका प्रमुख अतिथि संविधानसभा सदस्य रविन कोइराला, विशिष्ट अतिथि मेचीनगर उपप्रमुख मिना पोख्रेल (उप्रेती ) अग्रज पत्रकार चन्द्र भण्डारी , प्राज्ञ सुभद्रा अर्याल, पार्क व्यवस्थापन समितिका अध्यक्ष बालकृष्ण थापा लगायतले संयुक्त रुपमा सम्मानपत्र हस्तान्तरण गरेका थिए।
आचार्यले आफ्नो उर्भर समयलाई पत्रकारिता क्षेत्रमा खर्चिएर सकारात्मक कर्म गर्दै आइरहेका छन् । उनी हाल न्युज २४ टेलिभिजनमा कार्यरत छन् भने हाम्रो खबरपाटी अनलाइनका सम्पादक हुन्।
