विर्तामोड । झापाको झापा गाउँपालिका वडा न. ६ पुष्पाञ्जली टोल बस्ने वर्ष ८३ की फुलमाया मुर्मुको हत्या गरी फरार रहेका दुईजनालाई प्रहरीले पक्राउ गरेको छ।
हिजो शनिबार फुलमाया दिउँसो ४:३० बजेको समयमा मृत अवस्थामा फेला परेको प्रहरीलाई खबर पुगेको थियोे । जिल्ला प्रहरी कार्यालय झापा तथा मातहत समेतबाट खटिएको प्रहरी टोलीले नेपाल प्रदेश प्रहरी कार्यालय केनाइन शाखा धरानबाट आएको Dog सहितको टोलीको सहयोगमा अनुसन्धान गर्ने क्रममा मृत महिलाको टाउको र चिउडोमा प्रहार गरी कर्तव्य गरी मार्न प्रयोग भएको कलको ह्याण्डिल र फरुवा सहित घटना पश्चात फरार रहेका दुइजनालाई पक्राउ गरेको हो ।
पक्राउ पर्नेमा झापा गाउँपालिका वडा न.७ वस्ने वर्ष २८ को अजय यादव र शिवसताक्षी नगरपालिका वडा न.७ वस्ने वर्ष २४ को अशोक यादव रहेको प्रहरीले जनाएको छ।
खोजतलासको क्रममा घटनास्थलबाट लुटिएको कलर्स मोबाइल थान-१ र साइकल थान-१ सहित झापा जिल्ला झापा गाउँपालिका वडा नं.७ मदरगाछबाट पक्राउ गरी जिल्ला प्रहरी कार्यालय झापामा राखी सो सम्बन्धमा थप अनुसन्धान कार्य जारी रहेको प्रहरीले जनाएको छ।
