मेचीनगर । आइएमई लाइफ इन्स्योरेन्स कम्पनीको काँकरभिट्टा शाखाले आफ्नो ८औँ स्थापना दिवस सामाजिक उत्तरदायित्व अन्तर्गत मनाएको छ।
स्थापना दिवसको अवसरमा मेचीनगर–४ स्थित मानव सेवा आश्रममा खाद्यान्न सामग्री वितरण गर्दै त्यहाँ आश्रित ६८ जनालाई चियापान गराइएको थियो। साथै संस्थाले आश्रमलाई आवश्यक खाद्यान्न दाल,चामल, तेल , चिउरा, चिनी, मटर , जिरा, मुरई लगायतका सामाग्री हस्तान्तरण गरेको थियोे । 
कार्यक्रममा मेचीनगर नगरपालिका–४ का वडाध्यक्ष अर्जुनकुमार कार्की, आइएमई लाइफ काँकरभिट्टा शाखा प्रमुख हरि मिश्र, एमडिआरटी नविन श्रेष्ठ, सञ्चारकर्मी शिशिर चम्लागाईलगायतको उपस्थिति रहेको थियो।
सो अवसरमा शाखा प्रमुख मिश्रले सामाजिक उत्तरदायित्व अन्तर्गत यस्ता कार्यक्रमलाई आगामी दिनमा पनि निरन्तरता दिने प्रतिबद्धता व्यक्त गरे। त्यस्तै वडाध्यक्ष कार्कीले सहयोगलाई प्रशंसनीय भन्दै कम्पनीलाई धन्यवाद ज्ञापन गर्दै भविष्यमा पनि सहकार्य गर्दै अघि बढ्ने बताए।
मानव सेवा आश्रमले सहयोगका लागि आभार व्यक्त गरेको छ। स्थापना दिवसलाई सामाजिक सेवासँग जोडेर मनाएको कदमलाई स्थानीयवासीले पनि सकारात्मक रूपमा लिएका छन्।
Nepali