मेचीनगर । मेचीनगर –७ स्थित आराध्य बचत तथा ऋण सहकारी संस्थाको १० औं वार्षिक साधारण सभा शनिबार सम्पन्न भएको छ ।
मेचीनगर – ८ स्थित किरात याक्थुङ् चुम्लुङ्को सभाहलमा आयोजित साधारण सभाको उद्घाटन् मेचीनगर— ८ का वडाध्यक्ष गिरीराज धमलाले गरेका थिए । गाउँमा छरिएर रहेको साना – साना पुँजीहरुलाई एकीकृत गरेर सदस्यहरुको जीवन स्तर उकास्ने एकमात्र भरपर्दाे माध्यम सहकारी भएको बताउँदै उनले पछिल्लो समय सहकारी आर्थिक समृद्धिको आधार समेत बन्दै गएको धारणा राखे ।
प्रमुख अतिथि धमलाले हाल देशभर ३३ हजार बढी सहकारी रहेको र केही सहकारीका सञ्चालक समिति र कर्मचारीको लापरवाहीका कारण देशभरका सहकारी यतिखेर बदनाम हुँदै गएको बताउँदै सहकारीको मुल्य मान्यता र सिद्यान्त भित्र रहेर सहकारी सञ्चालनमा जोड दिए ।
कार्यक्रमा प्रेस क्लव मेचीनगरका निवर्तमान अध्यक्ष डम्बर बराल, प्रेस क्लव मेचीनगरका वर्तमान सचिव प्रविण अधिकारी, ज्येष्ठ नागरिक मेचीनगर – ७ का अध्यक्ष पिताम्बर शर्माले सहकारीको सफलताको शुभकमा व्यक्त गरेका थिए ।
कार्यक्रममा प्रेस क्लव मेचीनगरका अध्यक्ष प्रकाश पौडेल, समाजसेवी सहदेव राजबंशी लगायतको आतिथ्यता रहेको थियो ।
सहकारी संस्थाकी अध्यक्ष गीता राजवंशीको सभापतित्वमा सम्पन्न कार्यक्रममा लेखा प्रतिवेदन सहकारी संस्थाको लेखा संयोजक नारायण दंगालले प्रस्तुत गरेका थिए भने उपाध्यक्ष युवराज आचार्यले संस्थाको तर्फबाट अध्यक्षको प्रतिवेदन प्रस्तुत गरेको थिए । कार्यक्रमको अवसरमा सहकारीले उत्कृष्ट बचतकर्ता तर्फ एलिसा तामाङ र पदम कुमारी राजवंशी तथा उत्कृष्ट ऋणी तर्फ हरिनाथ राजवंशी र तिल कुमारी मेचेलाई सम्मान गरिएको थियो । सम्मानित ब्यक्तिहरुलाई सम्मान पत्रसहित खादा ओढाएर प्रमुख अतिथि तथा अतिथिहरुले सम्मान गरेका थिए ।
कार्यक्रमको सञ्चालन सहकारी संस्थाका सचिव कमल ढुंगेलले गरेका थिए ।
Nepali