झापा । विप्लव नेतृत्वको नेपाल कम्युनिस्ट पार्टी र विद्यार्थी संगठन अखिल (समाजवादी) झापाले मानव अधिकार सञ्जाल झापाका अध्यक्ष रुपक खनाललाई कारबाहीको चेतावनी दिएको छ। आज ‘चन्दा आतंक बिरुद्ध कारवाहिको माग’ शिर्षकमा विभित्र सञ्चार माध्यममा समाचार प्रकाशित भएपछि उक्त कुराको खण्डन गर्दै गंभिर ध्यानाकर्षण भएको जनाएको छ।
पार्टीका झापा सचिव सञ्जय सी र विद्यार्थी संगठन का झापा इन्चार्ज विनोद सीले प्रेस वक्तव्य जारी गर्दै मानवअधिकार संजाल झापाका अध्यक्ष डा. रुपक खनालको बिज्ञप्ति र प्रकाशित समाचारको खण्डन गरेका छन्। पार्टी र विद्यार्थी संगठन विरुद्ध भ्रम फैलाउने षड्यन्त्र गर्ने ,युवा विद्यार्थीको अभियान रोक्ने र कारबाहीको माग गर्ने कार्य गरेको भन्दै डाक्टर खनाललाई चेतावनी दिएका हुन्।
नेकपाले यस्ता लज्जास्पद हर्कत रोकेर माफी नमागे अधिकारकर्मीको कथित आवरण उतारेर असली अनुहार जनतामा देखाइदिने समेत चेतावनी दिएको छ।
झापामा बिद्यार्थी संगठन ‘शिक्षालय सुधार अभियान’ संचालन गरेर हरेक बिद्यार्थीमा पुग्दै गरेको र बिद्यार्थीको अधिकारको बिसयमा संघर्ष गर्दै गरेको विज्ञप्तिमा उल्लेख छ।
पार्टीले रास्ट्रघात र जनघात बिरुद्ध बलिदानी पुर्ण संघर्ष गर्दै गरेको अवगत गराएको छ । भर्खरै पनि झापामा बिद्यार्थी माथी निर्घात कुटपिट, बलात्कार लगायत जनताकै जीवनको दर्दानाक समाचार हरु आइरहेको विषयमा नबोल्ने डा. रुपक खनाल जब जब युवा बिद्यार्थी जनतामा जान्छन तब त्यसका विरुद्ध बोल्ने गरेको र उनी परिचालित भएको समेत विज्ञप्तिमा उल्लेख छ। 
Nepali