मेचीनगर। सिद्धार्थ बैंक काँकरभिट्टा शाखाले आफ्नो वार्षिक सामाजिक उत्तरदायित्व अन्तर्गत मेचीनगर–३ स्थित बलभद्र आधारभूत विद्यालयलाई दुई थान कम्प्युटर प्रदान गरेको छ। विद्यालयमा मंगलबार आयोजित एक विशेष समारोहकाबीच कम्प्युटर हस्तान्तरण गरिएको हो।
सिद्धार्थ बैंकका कर्मचारी तथा मेचीनगर–३ निवासी राजकुमार थापाको विशेष पहलमा विद्यालयले कम्प्युटर प्राप्त गरेको हो। थापाको यस महत्वपूर्ण योगदानले विद्यालयका विद्यार्थीहरूलाई प्रविधिसँग नजिक आउने अवसर प्रदान गर्ने विश्वास गरिएको विद्यालयले जनाएको छ।
कार्यक्रममा विद्यालय व्यवस्थापन समितिका अध्यक्ष रामबहादुर थापाको सभापतित्वमा सिद्धार्थ बैंकको कोशी प्रदेशीय कार्यालय बिर्तामोडका प्रमुख सुभाष श्रेष्ठ प्रमुख अतिथिका रूपमा उपस्थित थिए। साथै, बैंकका काँकरभिट्टा शाखा प्रमुख सुमेश देवकोटा, कर्जा अधिकृत सरोज अधिकारी, सहायक अधिकृत राजकुमार थापा, विद्यालयका पूर्व अध्यक्ष राजेन्द्र थापा, शिक्षक हरिप्रसाद चापागाईलगायतको उल्लेखनीय उपस्थिति थियो।
समारोहलाई विद्यालयका प्रधानाध्यापक निरज पोखरेलले स्वागत मन्तव्य दिएका थिए भने कार्यक्रमको सञ्चालन शिक्षक देबु बानियाँले गरेका थिए।
यस किसिमको सहयोगले प्रविधिको पहुँचबाट टाढा रहेका ग्रामीण क्षेत्रका विद्यालयहरूमा डिजिटल शिक्षाको विकासमा महत्वपूर्ण टेवा पुर्याउने अपेक्षा गरिएको छ।
Nepali