झापा ,२६ कात्तिक । आसन्न संसदीय निर्वाचन बहिस्कारको घोषणा गरेको विप्लव नेतृत्वको नेपाल कम्युनिस्ट पार्टी सहसत तीन कम्युनिस्ट पार्टीको भण्डाफोर सभा आज पुर्वको इटहरीमा हुने भएको छ।

संसदिय चुनाव जनता र देशका लागि औचित्यहिन हुने र मुलुकमा देखिरहेको राजनीतिक आर्थिक समस्यालाई हल गर्न नसक्ने बरु संकटग्रस्त अहिलेको राज्यसत्तालाई टेको दिन र प्राण भर्न चुनाव हुन लागेको भन्दै तीन कम्युनिस्ट पार्टीले पुर्वको इटहरीमा आज सनिवार भण्डाफोर सभा गर्ने भएका हुन्, । यसअघि बिहिवार काठमाडौंमा उक्त भण्डाफोर सभा सम्पन्न भैसकेको छ।

नेपाल कम्युनिस्ट पार्टी, वैज्ञानिक समाजवादी कम्युनिस्ट पार्टी नेपाल र नेकपा सम्मीलित तीन पार्टीले दिउँसो ठिक १२ बजे जुलुस शुरु गर्ने र १ बजेबाट औपचारिक रूपमा कार्यक्रम हुने आयोजकले जानकारी दिएको छ।

कार्यक्रममा नेकपा प्रवक्ता प्रकाण्ड सी, वैज्ञानिक समाजवादी कम्युनिस्ट पार्टी नेपालका अध्यक्ष आहुती , नेकपा अध्यक्ष ऋषि कट्टेल लगाएतका नेताहरूले सम्बाेधन गर्ने आयोजकले जानकारी दिएको छ।

grace