झापा ,२७ कात्तिक । नेपाल कम्युनिस्ट पार्टीका स्थायी समिति सदस्य तथा प्रबक्ता खड्गबहादुर बिश्वकर्मा ‘प्रकाण्ड’ले आसन्न मंसिर ४ गतेको निर्वाचन जनताले स्पस्ट रुपमा बहिस्कार गरिसकेको बताएका छन्,। उनले हिजो तीन पार्टीको आयोजनामा पुर्वको इटहरीमा भएको भण्डाफोर सभालाई सम्बोधन गर्दै जनताको मनोभावनालाई लत्याउँदै नेकपाकाे विरुद्ध षड्यन्त्र गरे दलालहरुको मुखुण्डो उतार्ने चेतावनी दिएका छन्,।

नेकपासहित ३ कम्युनिस्ट पार्टीद्वारा इटहरीमा शनिबार आयोजित निर्बाचन खारेजी अभियान तथा भण्डाफोर सभालाई सम्बोधन गर्दै यो निर्वाचन दलाल पुजीवादीहरुको सत्तामा पग्ने भर्याङ मात्रै रहेको र यसलाई बहिस्कार गर्न समेत अपिल गरेका छन्,। संविधान दलाल पूँजीपति वर्गको बनेको र देशमा दलाल पूँजीपति वर्गले लोकतन्त्रको नाममा लुटतन्त्र मच्चाएको आरोप लगाउँदै उनले भने, -‘जनताको संविधान हुन पाएन, जनताको सत्ता हुन पाएन, यो लोकतन्त्र होईन, लुटतन्त्र हो । यो प्रजान्त्र होईन भ्रष्टतन्त्र हो ।’ २०६२/६३ को आन्दोलन माओवादीको जगमा भएको बताउँदै प्रचण्ड र बाबुराम काङ्ग्रेस /एमालेको टाङ मुनी छिरेको र पछि नेपाली जनतामाथि ठूलो षड्यन्त्र र धोका भएको बताए । दलाल पूँजीपति वर्गको जुठो खाएकोहरूबाट देशको समृद्धि र विकासको आशा गर्नु बेकार भएको र जनता भ्रमित नहुन समेत प्रकाण्डले अपिल गरे।

देशको दक्ष जनशक्तिलाई देशभित्रै रोजगारी दिनुको सट्टा बिदेशमा बेच्ने र नेपाली दिदीबहिनीको अस्मितामाथि खेलवाड गर्ने तत्व दलाल पूँजीपति वर्ग भएको प्रकाण्डले बताए । उनले भने,- ‘महिला दिदिबहिनीहरूको श्रम बिदेशमा सप्लाई गरेर उहाँहरूको जीवन र अस्मितामाथि खेलवाड गर्ने तत्व दलाल पूँजीपति तत्व हो । त्यो तत्वको साशन छ यो देशमा, त्यो तत्व ब्यबस्था हो कथित संघीय लोकतान्त्रिक गणतन्त्र ।’

अहिलेको दलाल संदीय ब्यबस्था र तिनको साशकहरूले राजनीतिक ब्यबस्था र आर्थिक ब्यबस्था दलाल पूँजीपति वर्गलाई सुम्पेर देशको अस्मितामाथि लुट मच्चाएको उनलेे ठोकुवा गरे ।

प्रबक्ता प्रकाण्डले, पुराना पार्टीहरू काँग्रेस र एमालेलाई देशको समृद्धि गर्न कसले रोक्यो भन्दै प्रश्न गरे । उनले भने,- “यो देशको इतिहासमा सबैभन्दा बढि साशनसत्ता संचालन काँग्रेस र दोस्रो एमालेलाई परिवर्तन र समृद्धिको लागि कसले रोक्यो ? दलाल पूँजीवादी वर्गको सत्ता नेपालमा रहुन्जेल राष्ट्रले मुक्ति नपाउने उनले बताए ।

दलाल पुजीवादीहरुले आफ सत्तामा पुग्न कथित निर्वाचन नै सबै हो भनेर जनतालाई झुक्याउन खोजेपनि अधिकांश जनताले बुझिसकेकाल यो निर्वाचन बहिस्कार गर्ने पनि प्रकाण्डले बताए । निर्मला पन्तको बलात्कारी तथा हत्यारालाई पक्राउ गरेर कानुनी कारबाही समेत गर्न नसक्ने एमाले काङ्ग्रेसहरुले जनतालाई झुठो आश्वासन बाँडिरहेकाले पनि मतदान नगरेर बहिस्कार गर्न समेत उनले आम जनतालाई अपिल गरे ।

नेकपालगायत ३ क्रान्तिकारी कम्युनिस्ट पार्टीहरूले आसन्न ४ मंसीरमा हुने संघ र प्रदेश प्रतिनीधिसभा सदस्यको चुनाब खारेजी अभियान सञ्चालन गरिरहेका छन्।

grace