प्रविण अधिकारी
धरान। नेपाल कम्युनिस्ट पार्टीका महासचिव विप्लव सी यतिबेला पुर्वको धरान आइपुगेका छन्। महासचिव विप्लवले आज धरानमा नेकपा एमाले, नेकपा एस र माओवादी केन्द्रका अधिकांश प्रदेश तथा जिल्ला तहका नेताहरूलाई पार्टीमा ध्रुवीकरण गराउने छन्।
प्राप्त जानकारी अनुसार माओवादी नेता खेम प्रधान (बलिदान),
नेकपा (समाजवादी) का केन्द्रीय सचिवालय सदस्य कृपाल सुवेदी, नेकपा एसका केन्द्रीय सदस्यहरु किरण ओझा, राधा कृष्ण आचार्य, एमाले जिल्ला सदस्य रिता पासवान, जनमत पार्टीको केन्द्रीय सदस्य मन्जु सरदार लगायत छन्। 
त्यस्तै नेकपा प्रवेश गर्नेहरुमा माओवादी केन्द्रका प्रदेश सदस्य हरी श्रेष्ठ, माओवादीबाटै पप्पू खान, पर्शुराम राई, धन बहादुर थापा , उषा श्रेष्ठ, गंगा गिरी, हरी बस्नेत लगायतका नेताकार्यकर्ता रहेका छन्।
त्यस्तै एमालेबाट सिने क्षेत्रका फोटो ग्राफर गोपाल कार्की समेत नेकपा प्रवेश गर्नेछन् । नेताहरु सँगै विभिन्न तहका कार्यकर्ता समेत नेकपा प्रवेश गर्ने र उनिहरुलाई महासचिव विप्लव सी ले कार्यक्रम रहेको नेपाल कम्युनिस्ट पार्टी कोशी प्रदेशका इन्चार्ज दिपेश सी ले जानकारी दिए।
