गायक सुरज र शारदाको गीत “केटीहरु घमण्डी नेपालको” सार्वजनिक

झापा । लोकदोहोरी क्षेत्रमा आफ्नो पाइला अगाडि बढाइरहेका गायक सुरज बुढाथोकी र शारदा रसाइलीको स्वरमा रहेको गीत ‘केटीहरू घमण्डी नेपालको’ सार्वजनिक भएको छ । बालकुमार श्रेष्ठको शब्द रचना, सुरज बुढाथोकीको संगीत, विष्णु तामाङको एरेञ्ज र कुमारसानु पुनको मिक्सिङ रहेको काठे भाकाको लोकदोहोरी गीतको भिडियो सार्वजनिक भएको हो । गायक बुढाथोकीका यसअघि पनि थुप्रै गीतहरु सार्वजनिक भएका छन्।

सुरेश काफ्लेको निर्देशन एवं छायांकन रहेको गीतको भिडियोमा सुरज बुढाथोकी, अञ्जना, समिर सुवेदी, एलिना थपलिया, शिवु पाण्डे, सन्ध्या घतानी, कौशल नेपाललगायत कलाकारको अभिनय रहेको छ । सुमन शंकरको मेकअप रहेको भिडियोमा कल्पेश विश्वकर्माको सम्पादन एवं कलर छ । गीतको भिडियोे चिलगाडी फिल्मस् युट्युब च्यानलमार्फत सार्वजनिक गरिएको हो ।