मेचीनगर। बाहुनडाँगी जेसिजले सधैं झै होलि मिलन कार्यक्रम सम्पन्न गरेको छ । बाहुण्डाँगी जेसीज बर्ष २०२५ का अध्यक्ष जेसी नित्यानन्द चम्लागाँईको अध्यक्षतामा भएको कार्यक्रममा बाहुनडाँगी जेसीजका संस्थापक अध्यक्ष जेसी नवीन बरालको प्रमुख आतिथ्यता रहेको थियोे । 
उक्त होली मिलन कार्यक्रम को संयोजन सामुदायिक क्षेत्रका उपाध्यक्ष जेसी बिमल रणपहेली रहेका थिए। महासचिव सुस्मा मिश्रले सञ्चालन गरेको कार्यक्रममा कार्यकारिणी उपाध्यक्ष जेसी किरण गौतमले जेसीज आस्था बाचन गरेका थिए भने मिसन, भिजन र व्यक्तिगत क्षेत्रका उपाध्यक्ष जेसी रिना दर्जीले बाचन गरेकी थिइन । 
कार्यक्रम संयोजक बिमल रणपहेलीले स्वागत गरेको कार्यक्रममा २०१३ का अध्यक्ष बद्री निरौला , २०२० का अध्यक्ष जेसी सागर कार्की र संस्थापक अध्यक्ष तथा प्रमुख अतिथि जेसी नवीन बरालले शुभकामना मन्तव्य राखेका थिए ।
वर्ष २०२५ का अध्यक्ष नित्यानन्द चम्लागाँईले सहभागी लाई धन्यवाद ज्ञापन गर्दै कार्यक्रम समापन गरेका थिए । प्रमुख अतिथिको हातबाट रङ लागाएर सुरु भएको होली मिलन कार्यक्रममा स्थानीयहरुको उत्कृष्ट सहभागिता रहेको थियो ।
Nepali