बिप्लबले झापालाई किन दिए बिशेष महत्व

KHAGENDRA SITAULA, JHAPA । काठमण्डौमा बुद्धीजिवीहरु भेला गरेर नेपाली समाजको आगामी बाटो बारे परामर्श गरिरहेका बिप्लव शनिवार सांझ एकाएक भद्रपुर बिमान स्थल झरे । बिप्लबलाई स्वागत गर्न नेकपा किरात लिम्बुवान प्रदेश इन्चार्ज दिपेश सी, झापा इन्चार्ज सुमनसिंह सी, झापाका प्रहरी प्रमुख मिलन केसी लगायत तीन दर्जन नेता कार्यकर्ताको उपस्थिती थियो । हुनत यसअघी नै बिप्लव झापा आउने कार्यसुची रहेको नेकपा झापाका नेताहरुले बताइरहेका थिए । तर, बिप्लब तीन दिन सम्म झापामा के गर्दैछन र यसको कारण के हो ? पुर्वी गर्जनले चासोका साथ बुझेको छ ।

झापामा पछील्लो चरण प्रतिगामी, पश्चगामी गतिबिधीको तिब्र चलखेल बढेको, झापाली जनता परिवर्तनको पक्षमा हुंदा हुंदै पनि बिभिन्न सड्यन्त्रकारी तत्वले झापालाई भ्रमित गर्दै लगेको, र झापाका अग्रगामीहरु निक्कै ठुलो अन्यौलतामा फंस्दै जान थालेपछी बिप्लबले झापालाई महत्व दिएरै समय दिएका छन । राजाबादी देखी पश्चिमा नियन्त्रीत तत्वहरुको चलखेलले झापालाई नेपाली क्रान्तिको यात्राालाई अबरोध गर्ने भ्रमको रुपमा तयार गर्ने खतरा रहेको समेत बुझाई बिप्लवको रहेको छ ।

बिप्लवले भने हामीले देशका सबै जिल्लालाई महत्वपूर्ण रुपमा लिएका छौं तर पुर्व त्यसमा पनि झापालाई आजको समयमा क्रान्तिकारी बाटो तिर जानबाट रोक्न सबै कोणबाट भूमिका खेलिरहेको भान हुन्छ । यो भ्रमण झापाका इमानदार, प्रगतिशिल र क्रान्तिकारी जनता के भन्छन मसिनो गरी उनिहरुको कुरा सुन्ने योजना रहेको बिप्लवले बताए ।

नेकपा झापा इन्चार्ज सुमनसिंह सीका अनुसार महासचिबको यो भ्रमण झापालाई नयाँ सिराबाट ध्रुबिक्रित गर्न महत्वपूर्ण रहने छ । उनका अनुसार बिप्लबले झापाको यो भ्रमण्मा एकदमै सामान्य स्तरमा समाजमा बसेका तर आन्दोलन र सामाजिक तवरले असाधारण भूमिका खेलेको प्रव्रिती संग भेटघाट गर्दैछन ।