खगेन्द्र सिटौला – झापाको गौरादह नगरपालिकामा रहेका पुराना वामपन्थीहरु संग नेकपा महासचिब बिप्लबले आईतवार अपरान्ह मसिनो छलफल गरेका छन । अन्तर्कृयात्मक बसाइको क्रममा झापाको कम्युनिस्ट आन्दोलनमा महत्वपूर्ण योगदान पुर्याएका पुराना वामपन्थी अग्रजहरु संग महासचिब बिप्लबले पार्टीको योजना कार्यक्रम बारे छलफल गरेका हुन ।
नेपालको वर्तमान राजनीतिक अन्यौलता र समाजको आगामी बाटो बारे उक्त छलफल भएको हो । स्थानिय बामपन्थी अग्रजहरुले नेपालमा सबै दल र नेताहरु खराब भएको र जनता आजित भैसकेको अवस्थामा नेपाल कम्युनिस्ट पार्टी र बिप्लब प्रती भरोसा रहेको बताए । उनिहरुले पार्टीलाई जनताको प्रतिनिधित्व गर्नेगरी जनताको बिचमा तिब्र रुपमा जान समेत सुझाब दिए ।
गौरादहका बामपन्थी अग्रजहरुको सुझाब पछी बिप्लबले जनताको अपेक्षा अनुसार नै आफ्नो पार्टी लाग्ने बताए । महासचिब बिप्लबको कार्यक्रम ४ ,५ गते रहने छ । साथै ६ गते पत्रकार भेटघाट गरेर महासचिब बिप्लब फर्कने छन । चैत्र १२ गते झापाको बिर्तामोड बाट हुने जनसभामा बिप्लब पुन झापा आउने कार्यक्रम रहेको छ ।
Nepali