पूर्व जनमुक्ति सेनाले बिप्लवलाई भने – “तपाईंसँग आशा छ”

झापा | पूर्व जनमुक्ति सेनाहरूसँगको भेटमा नेपाल कम्युनिस्ट पार्टी (नेकपा) का महासचिव नेत्रविक्रम चन्द ‘बिप्लव’ लाई ती सेनाहरूले विभिन्न जिज्ञासा र धारणा व्यक्त गरेका छन् । उनीहरूले बिप्लव नेतृत्वको पार्टीलाई जनताको आशाको केन्द्रका रूपमा हेरेको संकेत गर्दै देशको वर्तमान राजनीतिक अवस्था र क्रान्तिका सम्भावनाहरूका विषयमा धारणा राखेका थिए ।

उनीहरूले प्रश्न गर्दै , “नेपाली जनता निराश छन्, फेरि क्रान्ति सम्भव छ ?” साथै, “देशलाई सही दिशामा लैजाने नेता को?” भन्ने प्रश्न गर्दै नेतृत्वप्रति असन्तुष्टि पोखे ।

पूर्व सेनाहरूले माओवादी नेतृत्वको विचलन, वैकल्पिक राजनीतिका नाममा उठेका नयाँ पात्रहरू, र जनताको अन्योलबारे बिप्लवसँग धारणा मागे ।

“नेपाली जनताले नै एक-अर्कालाई बुझ्न नसकेको बेला बाहिरी संसारले कसरी बुझ्छ ?” उनीहरूको प्रश्न थियो ।”