भोजपुर । भोजपुर नगरपालिका–२ मा एकै परिवारका चार जनाको हत्या भएको छ। स्थानीय रामप्रसाद राई (राजेन्द्र राई)ले आफ्नी सासु, ससुरा, श्रीमती र सालोको धारिलो हतियार प्रयोग गरी हत्या गरेका हुन्।
घटनापछि अभियुक्त राईले आफैं गएराति करिब १:१५ बजे प्रहरी कन्ट्रोल रुममा फोन गरेर जानकारी गराएका थिए। सूचना पाएलगत्तै प्रहरी घटनास्थलमा पुग्दा चारै जनाको शव फेला परेको जिल्ला प्रहरी कार्यालय भोजपुरले जनाएको छ।
हत्या हुनेहरूमा ६८ वर्षीय बेलबहादुर गिरी, उनकी ४५ वर्षीया श्रीमती मञ्जु गिरी, छोरी मनिषा गिरी र छोरा सपन गिरी रहेका छन्।
प्रहरीका अनुसार अभियुक्त राईलाई नियन्त्रणमा लिइएको छ। उनको पेटमा चोट देखिएको र स्वास्थ्य परीक्षणका लागि अस्पताल लगिएको प्रहरीले जनाएको छ।
हत्या कसरी र किन गरियो भन्नेबारे अनुसन्धान भइरहेको छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
Nepali