भद्रपुर। भद्रपुरबाट उद्धार गरी मानव सेवा आश्रम, मेचीनगर पुर्याइएका एक सडक मानवको मृत्यु भएको छ।
आइतबार भद्रपुर–१० मा बेवारिसे अवस्थामा हिँडडुल गरिरहेका करीब ५० वर्षीय भुन्टे कुर्मी (वतन नखुलेका) लाई भद्रपुर नगरपालिकाले उद्धार गरी मेचीनगर–४, बाहुनडाँगीस्थित मानव सेवा आश्रममा पठाएको थियो।
उद्धार गरिएको भोलिपल्ट सोमबार दिउँसो ३ बजे आश्रममै सुतेको अवस्थामा उनको मृत्यु भएको प्रहरीले जनाएको छ। घटनापछि प्रहरी चौकी बाहुनडाँगी र इलाका प्रहरी कार्यालय काँकडभिट्टाबाट टोली पुगेर कानुनी प्रक्रिया अघि बढाइएको छ।
शवलाई पोष्टमार्टमका लागि प्रादेशिक अस्पताल, भद्रपुर पठाइएको छ। प्रारम्भिक जानकारी अनुसार मृतक दुवै मिर्गौला सम्बन्धी रोगबाट पीडित थिए।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
Nepali