झापाको हल्दीवारीमा ग्याँस पड्किँदा आगलागी, पाँच जना घाइते

झापा। झापाको हल्दीवारी गाउँपालिका–४ स्थित ओली चौकमा ग्याँस पड्किँदा आगलागी भएको छ। आगलागीमा एकै परिवारका पाँच जना घाइते भएका छन्।

जिल्ला प्रहरी कार्यालयका अनुसार बुधबार बिहान करिब ८:४० बजे ६० वर्षीया पुण्यप्रसाद ओलीको तीनतले पक्की घरको दोस्रो तलामा खाना पकाउने क्रममा ग्याँसबाट अचानक आगो सल्किएको हो।

आगो निभाउने क्रममा घरधनी सहित उनका परिवारका सदस्य घाइते भएका छन्। घाइतेहरूलाई सुरुमा ओमसाई पाथीभारा अस्पताल भद्रपुर पठाइएको थियो भने थप उपचारका लागि विराटनगर रिफर गरिएको छ।

घाइते हुनेहरूमा :
१. पुण्यप्रसाद ओली (६० वर्ष) – शरीरका विभिन्न भागमा पोलेको, अवस्था मध्यम
२. सन्तोष ओली (३३ वर्ष) – सामान्य चोटपटक
३. अनिता ओली (३२ वर्ष) – सामान्य चोटपटक
४. आर्यन ओली (२० वर्ष) – सामान्य चोटपटक

प्रहरीका अनुसार घरको भान्सा कोठामा आंशिक क्षति भएको छ। इलाका प्रहरी चौकी कञ्चनश्रीबाट खटिएको टोली र स्थानीयको सहयोगमा बिहान ९:१५ बजेतिर आगो नियन्त्रणमा आएको थियो। घटनाबारे थप अनुसन्धान भइरहेको प्रहरीले जनाएको छ।