दिन: २०८२ श्रावण ८, बुधबार

बिर्तामोड । स्वर्गीय देवकुमार आचार्य ‘डी कौडिण्य’को स्मृति दिवसको अवसरमा पत्रकार उद्धव पुरी सम्मानित भएका छन् । बुधबार स्वर्गीय आचार्यको २३औँ स्मृति दिवसको अवसरमा उनलाई सम्मान गरिएको हो । प्रेस सेन्टर नेपाल झापा शाखाले स्वर्गीय आचार्यको स्मृतिमा स्थापना गरेको उक्त पुरस्कार आज विर्तामोडमा एक कार्यक्रम आयोजना गरी पत्रकार पुरीलाई प्रदान गरेको हो । कार्यक्रमका प्रमुख अतिथि, नेकपा माओवादी केन्द्रका केन्द्रीय सदस्य एवम् झापा इञ्चार्ज रञ्जित तामाङले दोसल्ला ओढाउँदै प्रमाणपत्र र नगद ४२ हजारसहित पत्रकार पुरीलाई सम्मान गरेका हुन् । प्रगतिशील पत्रकार, प्राध्यापक एवम् राजनीतिज्ञ डी. कौडिण्यलाई राजाको प्रत्यक्ष शासनकालमा २०५९ साउन ७ गते शाही सत्ताले गिरफ्तार गरी चारआली व्यारेकभित्रै हत्या…

झापा। झापाको हल्दीवारी गाउँपालिका–४ स्थित ओली चौकमा ग्याँस पड्किँदा आगलागी भएको छ। आगलागीमा एकै परिवारका पाँच जना घाइते भएका छन्। जिल्ला प्रहरी कार्यालयका अनुसार बुधबार बिहान करिब ८:४० बजे ६० वर्षीया पुण्यप्रसाद ओलीको तीनतले पक्की घरको दोस्रो तलामा खाना पकाउने क्रममा ग्याँसबाट अचानक आगो सल्किएको हो। आगो निभाउने क्रममा घरधनी सहित उनका परिवारका सदस्य घाइते भएका छन्। घाइतेहरूलाई सुरुमा ओमसाई पाथीभारा अस्पताल भद्रपुर पठाइएको थियो भने थप उपचारका लागि विराटनगर रिफर गरिएको छ। घाइते हुनेहरूमा : १. पुण्यप्रसाद ओली (६० वर्ष) – शरीरका विभिन्न भागमा पोलेको, अवस्था मध्यम २. सन्तोष ओली (३३ वर्ष) – सामान्य चोटपटक ३. अनिता ओली (३२…