बनियानी, २८ भदौ । झापामा सवारी दुर्घटनामा एक जनाको मृत्यु भएको छ ।
दुर्घटनामा बिर्तामोड नगरपालिका-२ का ६० वर्षीय सोमनाथ दंगालको मृत्यु भएको जिल्ला प्रहरी कार्यालय झापाका प्रवक्ता प्रहरी नायब उपरीक्षक खगेन्द्र बहादुर खड्काले जानकारी दिनुभयो ।
शुक्रबार साँझ ७ः३० कनकाई नगरपालिका–७ बिरिङ खोला छेउमा बिर्तामोडबाट सुरुङ्गातर्फ जाँदै गरेको प्र.१–०१०१३ प ०४३३ नम्बरको मोटरसाइकल अनियन्त्रित भई दुर्घटनामा परेको थियो । मोटरसाइकलको पछाडि सवार दंगालको उपचारको क्रममा आज बिहान मृत्यु भएको हो ।
दुर्घटनामा बिर्तामोर-२ का मोटरसाइकल चालक ३८ वर्षीय दिनेशकुमार थपलिया सामान्य घाइते भएका छन् । घाइते उनीहरूलाई उपचारका लागि बिएण्डसी अस्पताल बिर्तामोडमा ल्याइएको थियो । उपचारको क्रममा दंगालको मृत्यु भएको प्रहरीले जनाएको छ।
कोठाभित्र युवक मृत फेला
यसैबीच, झापाको कमल गाउँपालिका–३ केर्खामा एक युवक मृत अवस्थामा फेला परेका छन् ।
स्थानीय राजेन्द्र दाहालको घरमा दुई महिनादेखि भाडामा बस्दै आएका ३० वर्षीय अरूस थापामृत फेला परेका हुन् । भदौ २६ गते राति कोठामा सुतेका उनी भोलिपल्ट भदौ २७ गते साँझ ४:३० बजेसम्म पनि कोठाबाट बाहिर ननिस्किएपछि झ्यालबाट हेर्दा उनी सुत्ने बेडमै मृत अवस्थामा भेटिएको जिल्ला प्रहरी कार्यालय झापाले जनाएको छ।
Nepali