बुद्धशान्तिमा हरिणको सिङ जस्तो देखिने वस्तु फेला

झापा। झापाको बुद्धशान्ति गाउँपालिका–३ चिलिमगढी घाट नजिकै हरिणको सिङ जस्तो देखिने वस्तु फेला परेको छ।
शनिबार राति करिब १०:३० बजेको समयमा इलाका प्रहरी कार्यालय बुधबारे, झापा र सशस्त्र प्रहरी बल नेपाल, भुटानी शरणार्थी शिविर सुरक्षा बेस टिमाईबाट खटिएको संयुक्त गस्ती टोलीले नियमित गस्ती गर्ने क्रममा उक्त वस्तु फेला पारेको हो।

गस्तीका क्रममा चिलिमगढी घाट नजिकै भेटिएको उक्त वस्तु बन्यजन्तुको अंग हुनसक्ने आशंका गरिएको छ। फेला परेको वस्तुलाई सुरक्षित राखिएको र आवश्यक प्रक्रिया पूरा गरी सम्बन्धित वन कार्यालयमा बुझाउने तयारी भइरहेको प्रहरीले जनाएको छ। यस घटनाबारे थप अनुसन्धान भइरहेको छ।