काङ्ग्रेस सभापति देउवा निवास अगाडि भेटियो शङ्कास्पद वस्तु

धनगढी । नेपाली काँग्रेसका सभापति शेरबहादुर देउवाको धनगढीस्थित निवास अगाडि आज बिहान शङ्कास्पद वस्तु भेटिएको छ ।

धनगढी उपमहानगरपालिका–४ मा रहेको देउवा निवास अगाडि राति १ बजे तारसहितको वस्तु कालो झोलामा राखिएको अवस्थामा फेला परेपछि रातिबाटै प्रहरीले सो स्थानलाई निगरानीमा राखेको थियो ।

बिहान नेपाली सेनाको बम डिस्पोजल टोलीलाई बोलाइएको र सेनाको टोली सो वस्तुलाई निष्क्रिय गर्ने कार्यमा लागेको प्रहरीले जनाएको छ।