झापा । राष्ट्रिय स्वाधीनता र त्यसको रक्षाका लागि निरन्तर संघर्ष गरिरहेको विप्लव नेतृत्वको नेपाल कम्युनिस्ट पार्टी झापाले भोलि झापाको दमकमा एमसिसी र एसपिपी विरुद्ध वृहत् प्रदर्शन गर्ने भएको छ।
पछिल्लो समय राष्ट्रिय तथा अन्तर्राष्ट्रिय राजनीतिमा देखा परेको समस्या र वैदेशिक हस्तक्षेप लगायतका विषयमा बोल्दै आएको नेकपाले अमेरिकी परियोजना एमसिसी र एसपिपी विरुद्ध पटकपटक विरोध प्रदर्शन गर्दै आइरहेको छ।
नेपालको संसदमै हस्तक्षेप जमाएर एमसिसी पास गराइसकेको अमेरिकाले अहिले एसपिपी (स्टेर्ट पार्टनरसिप प्रोग्राम ) पारित गराउने रणनीति अगाडि सारिरहेको छ। एसपिपी अन्तर्गत विभिन्न अमेरिकी राज्यका सेना र एसपिपी पारित तथा कार्यनयन गर्ने देशको सेनाबिच सैन्य सहकार्य हुने गर्दछ।
अमेरिकाले नेपाललाई पुर्ण रुपमा कब्जामा लिन लागेको तर राज्य सत्तामा रहेका दलालहरुले देशलाई विदेशी हस्तक्षेपबाट बचाउनुको सट्टा उल्टै सुम्पिने तयारीमा रहेकाले यसको विरुद्ध सम्पुर्ण देशभक्त शक्तिहरु सडकमा आउनुपर्ने नेकपा झापाका इन्चार्ज सुमनसिंह सी ले बताए । उनले भोलि हुने संघर्षको कार्यक्रममा उपस्थित हुन आम झापाली जनसमुदायमा अपिल समेत गरेका छन्।
Nepali