बिराटनगर । मोरङको ग्रामथान गाउँपालिका -४ कटरियाबाट गएराती ९ जना जुवाडे पक्राउ परेका छन्। प्रदेश प्रहरीले विशेष सुचनाको आधारमा शनिबार राति ८ बजे छापा मारी उनिहरुको साथबाट कौडा, मोबाइल , १८ लाख ५० हजार पैसा र उनिहरुले प्रयोग गर्ने गरेका विभिन्न ब्रान्डका गाडी बरामद गरेको छ।
प्रहरीले विशेष सुचनाको आधारमा ९ जना जुवाडे र उनिहरुको गाडी समेत नियन्त्रणमा लिएको स्रोतले जनाएको छ। उक्त जुवा खालबाट मुख्य नाइके मानिएका अर्जुन तुम्रुक फरार रहेको र उनको गाडी भने प्रहरी नियन्त्रणमा रहेको छ। अहिले प्रहरी नियन्त्रणमा रहेको तुम्रुकको गाडी छुटाउन प्रशासनलाई दबाब आइरहेको समेत पाइएको छ।
स्रोतका अनुसार जुवा खेलाउन स्थानीय प्रशासनलाई सेटिङ मिलाउन ५० लाख बराबरको रकम खर्च गरेको स्थानीय बासिन्दाले नाम नखुलाउने सर्तमा जानकारी दिएका छन्।
प्रहरीले जुवाखालबाट अभिलाल माझी, किशोर शाह ,जनक कुमार मास्के , महेश शाह, शिवनारायण माझी, युवक राई , रितुवर्ण नेम्बाङ, लोकनाथ सापकोटा र प्रताम राईलाई नियन्त्रणमा लिएको हो ।
त्यस्तै उक्त स्थानबाट प्रहरीले जुवाडेहरुले प्रयोग गरेको बा प्र.०१-०२०च९७३७, बा१५च ६७३०,बा१५च७२८१, बा१८च३७०२, बा……४८५०, बा१ज५९१६, बा१८च४५६५ नम्बरको गाडी नियन्त्रणमा लिएको छ।
चाडपर्व शुरु भएसँगै विभिन्न निकायको सेटिङमा झापा , मोरङ , सुनसरी लगायतका जिल्लामा जुवाजन्य गतिविधि बढिरहेको छ।
Nepali