काकडभिट्टा । झापाको मेचीनगर -६ स्थित काकडभिट्टा माविको खेलमैदानमा जारी काकडभिट्टा सांस्कृतिक महोत्सव तथा रमाइलो मेला २०८१ मा दर्शकहरुको भिडभाड बढेको छ। जस अनतर्गत हिजो शनिबार कबवेभ ब्यान्डको प्रस्तुतिमा भव्य दर्शकहरु उपस्थित भएका थिए। 
कबवेभ ब्यान्डको प्रस्तुतिको समयमा पानी दर्किएपनि दर्शकहरुले हुटिङसहित नाचगान गरिरहेका थिए। भदौ -२६ गतेबाट शुरु भएको महोत्सवमा विभिन्न विधाका राष्ट्रिय तथा स्थानीय कलाकारहरुको बेजोड प्रस्तुति रहँदै आएको छ। 
महोत्सवको पाँचौ दिन आज लोकल ब्यान्डको प्रस्तुत रहने आयोजकले जनाएको छ। महोत्सवमा विभिन्न प्रकारका स्वादिष्ट खानेकुराहरुको स्टल तथा मनोरञ्जनात्मक सामाग्रीहरु राखिएको छ। महोत्सव असोज १५ गतेसम्म सञ्चालन हुने छ। महोत्सवमा १० वर्ष मुनिका बालबालिका तथा ७० वर्ष माथिका वृद्ध -वृद्धाहरुलाई टिकट निशुल्क गरिएको आयोजकले जनाएको छ। 
Nepali