काठमाडौ। नेपाल कम्युनिस्ट पार्टी(माओवादी)ले देशलाई अर्को बिद्रोहको बाटोमा नधकेल्ने हो र जेनजी बिद्रोहको मागलाई सम्बोधन गर्ने हो भने बिस्तृत शान्ति सम्झौताका सहमतिलाई पालना गर्नुपर्ने बताएको छ।सरकार र माओवादी बिच शान्ति सम्झौता भएको १९ बर्ष पुगेको सन्दर्भमा महासचिव विप्लवले आज एक प्रेस बक्तव्य जारी गरी सहमतिको पालना र कार्यान्वयन हुनुपर्ने बताउनु भएको हो।
महासचिव विप्लवद्वारा हस्ताक्षरित विज्ञप्तिमा बर्तमान राजनीति संकटको निकासका लागि ६ बुदे प्रस्ताव समेत सार्वजनिक गरिएको छ।जस अनुसार सुशीला नेतृत्वको सरकारका ठाउँमा सर्वपक्षीय अन्तरिम सरकार गठन हुनुपर्ने,वर्तमान संविधान संशोधन गरी उच्चस्तरिय निकाय खडागरी संविधान पुनर्लेखन गर्नुपर्ने,अग्राधिकार सहितको समाजवादी संघीयता, पूर्ण समानुपातिक र समावेसी राज्य पुनर्संरचना गर्नुपर्ने कुराहरू उल्लेख छन् ।
संविधानमा नयाँ शासकीय स्वरुप सुनिश्चित गरी प्रत्यक्ष कार्यकारी प्रमुख र पूर्ण समानुपातिक निर्वाचनमा जानुपर्ने, राष्ट्रघाती सन्धि सम्झौताहरु खारेज र पुनरावलोकन गरिनुपर्ने र भ्रष्टाचारीहरुलाई सर्वोस्वहरणसहित जन्मकैद गरिनुपर्ने बताइएको छ।
त्यस्तै जारी बिज्ञप्तिमा सरकार र तत्कालीन नेपाल कम्युनिस्ट पार्टीबिच भएको तीन बुदे सहमति लागु गर्दै शान्ति सम्झौतामा देश र जनताका हितमा उल्लेख भएका बिषय पुरा हुनुपर्ने अन्यथा अर्को बिद्रोहको परिस्थिति अनिवार्य आउने समेत बताइएको छ। 
Nepali