मेचीनगरमा शनिबार “थर्ड क्रस कन्ट्री रेस -२०८२” हुँदै

मेचीनगर । RUN FOR FUN, UNITY, BROTHERHOOD & SISTERHOOD भन्ने नारा सहित 3rd Cross Country Race 2082 आगामी मंसिर २७ गते शनिबार बिहान ७ बजे हुने भएको छ । United Youth Open Scout Crew, धुलाबारी को आयोजनामा हुन लागेको यो तेस्रो संस्करणका लागि आवश्यक तयारी पूरा भएको आयोजकले जनाएको छ ।

यसअघि २०७४ श्रावण २८ गते पहिलो संस्करण र २०७५ भदौ १६ गते दोस्रो संस्करण सफलतापूर्वक सम्पन्न भइसकेको रेन्जर शिवानी देवानले जानकारी दिइन् । यस्तै कार्यक्रमले युवा–किशोरमा अनुशासन, आपसी मित्रता, भातृत्व र भगिनीत्वको भावना विकास गर्न महत्वपूर्ण भूमिका खेलेको आयोजकको विश्वास छ ।

स्काउटिङ्गको उद्देश्यसहित १६–२५ वर्ष उमेर समूहका युवायुवतीलाई नेतृत्वतर्फ प्रोत्साहन
स्काउटको मूल उद्देश्यअनुसार वालबालिका, किशोर–किशोरी तथा युवायुवतीको शारीरिक, मानसिक, सामाजिक, संवेगात्मक र बौद्धिक क्षमता विकास गर्दै जिम्मेवार नागरिक बनाउने लक्ष्यसहित United Youth Open Scout Crew स्थापना कालदेखि नै विभिन्न कार्यक्रम गर्दै आएको छ ।

स्काउटिङ्ग भाषामा ‘क्र्यु’ भन्ने १६ देखि २५ वर्ष उमेर समूहका युवायुवतीको सक्रिय सहभागिताले कार्यक्रमलाई अझ प्रभावकारी बनाएको आयोजकले बताएको छ ।

भोलि शनिबार हुने ७ किलोमिटर दौड प्रतियोगितामा धुलाबारी, इटाभट्टा, काकरभिट्टा, विर्तामोड, भद्रपुर तथा धरान सम्मका विद्यार्थीहरु सहभागी रहने आयोजकले जानकारी दिएको छ ।
प्रतियोगितामा १८० देखि २०० जना सहभागी रहने र १३ वर्ष उमेर पूरा भई १६ वर्ष ननाघेका किशोर–किशोरीहरु सहभागी हुन पाउनेछन् । जन्मदर्ता वा विद्यालयबाट उमेर खुल्ने सिफारिस अनिवार्य हुनेछ ।

दौड मेचीनगर–१५ स्थित बिचार्नी प्रहरी चौकीबाट सुरु भई मेचीनगर–१० धुलाबारी माविसम्म करिब ७ किलोमिटर हुनेछ भने दर्ता शुल्क प्रति विद्यार्थी रु ४५० तोकिएको छ । सहभागीले कार्यक्रमको ब्याज/टिसर्ट र सहभागिता प्रमाणपत्र पाउनेछन् ।
प्रतियोगितामा छात्रतर्फ पुरस्कार यश प्रकार रहेको छ।
प्रथम – मेडल + नगद रु १०,०००
द्वितीय – मेडल + नगद रु ७,०००
तृतीय – मेडल + नगद रु ५,०००
छात्रातर्फ :
प्रथम – मेडल + नगद रु १०,०००
द्वितीय – मेडल + नगद रु ७,०००
तृतीय – मेडल + नगद रु ५,०००

स्काउट सदस्यता वृद्धि र नेतृत्व विकासमा टेवा
स्काउटमा आबद्ध नभएका विद्यार्थी तथा विद्यालयको पनि सहभागिता रहने भएकाले स्काउट सदस्यता विस्तारमा समेत सहयोग पुग्ने आयोजकले अपेक्षा गरेको छ ।
“गरेर सिक्ने – Learning By Doing” पद्धतिअनुसार यस कार्यक्रमले सहभागीमा शारीरिक क्षमता वृद्धि, नेतृत्व, सामाजिक सम्बन्ध विस्तार र सकारात्मक सोच विकासमा महत्वपूर्ण योगदान पुर्‍याउने आयोजकहरूको भनाइ छ ।