झापा । मेचीनगर–३ स्थित बलभद्र आधारभूत विद्यालयका विद्यार्थीहरूलाई विभिन्न जेसीज शाखाहरूले शैक्षिक सामग्री वितरण गरेका छन्।
नेपाल जेसीजको सर्कुलरअनुसार इटहरी जेसीज, उदयपुर जेसीज र गोलबजार जेसीजले करिब २२ हजार रुपैयाँ बराबरको शैक्षिक सामग्री वितरण गरेका हुन्। उक्त सामग्री १० जना सिमान्तकृत बालबालिकालाई प्रदान गरिएको हो।
वितरण गरिएका विद्यार्थीहरूमध्ये ५ जना किसान समुदाय, ४ जना मेचे समुदाय र १ जना दनुवार समुदायका रहेका छन्।
इटहरी जेसीजका अध्यक्ष मिसन पराजुलीले विद्यार्थीहरूको अध्ययनमा सहजता ल्याउने उद्देश्यले सामग्री वितरण गरिएको बताए। विद्यालयका प्रधानाध्यापक निरज पोख्रेलले सहयोगप्रति धन्यवाद व्यक्त गरेका छन्।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
Nepali