ताप्लेजुङ । ताप्लेजुङको फक्ताङलुङ गाउँ पालिका -२ खेजेनिम टिन्जामा बिहिवार मध्यरातमा गएको पहिरोमा परी एकै परिवारका ४ जनाको मृत्यु भएको छ ।
प्रहरीका अनुसार फक्ताङलुङ गाउँपालिकाका उपाध्यक्ष रविन साम्राका बुबा, कान्छी आमा र उनिहरुका दुई सन्तानको मृत्यु भएको हो । मृत्यु हुनेमा बर्ष ७० का रामवहादुर साम्रा, उनका श्रीमती वर्ष ४८ कि जसमाया लिम्वू, उनीहरुका दुई जुम्ल्याहा छोरीहरु बर्ष १० का गंगा र जमुना रहेका छन् ।
उक्त पहिरोमा परि अन्य दुई जना घाईते भएका छन् । सिंवा प्रहरी चौकीवाट प्रहरी टोलि,फुङलिङ नगरपालिका १० मित्लुङ हाइड्रोपावरमा रहेको नेपाली सेनाको टोलि सहित स्थानीयले पहिरोवाट शव निकालेको प्रहरीले जानकारी दिएको छ ।
घटनास्थल सदरमुकाम फुङलिङवाट पाँच घण्टाको दुरीमा रहेको छ । जिल्ला प्रहरी कार्यालयवाट प्रहरी निरिक्षक कमल लुंगेलीको थप टोलि परिचालन गरिएको छ । यही गाउँपालिकाको सिसेवा र सिस्ने खोलामा आएको बाढीले बिहिवार चारवटा अस्थायी पुल तथा सडक अवरुद्ध बनाएको छ । पहिरोले गतवर्ष असार २ गते सिदिङवा गाउँपालिका मेहेलेमा ६ जनाको ज्यान गएको थियो ।
Nepali