विनोद सापकोटा
शिवगञ्ज । कृषकहरुलाई आत्मनिर्भर बनाउने उद्देश्यका साथ शिवसताक्षी नगरपालिका वडा नम्वर ६ ले उन्नत जातका रुख र फलफुलका बिरुवाहरु बितरण गरेको छ । डिभिजन बन कार्यालय दमक अन्र्तगत झिलझिले नर्षरीबाट प्राप्त विरुवा वडाबासीलाई वडाले निशुल्क प्रदान गरेको हो ।
वडा अध्यक्ष मनोज खुलाल कार्कीका अनुसार विभिन्न जातका करिव ५ हजार विरुवा वडाबासीलाई सार्वजनिक सूचना आव्हान गरेर वितरण गरिएको हो । ‘वडालाई डिभिजन बन कार्यालय दमकले निशुल्क विरुवा उपलब्ध गराएको थियो । त्यै विरुवा वडाका बासिन्दालाई वितरण गरिएको हो,’ वडा अध्यक्ष मनोज खुलालले भने । उनका अनुसार वडाले विरुवा वितरण प्रयोजनका लागि आर्थिक व्ययभार गर्नुपरेको छैन ।
डिभिजन बनकार्यालय झापाको प्राविधिकको सल्लाह अनुसार वडाको हावापानी अनुकुलका विरुवा वितरण गरिएको वडा अध्यक्ष खुलालले बताए । ‘कतिपय वडाबासीले छायाँदार फलपूmलबा बोटका विरुवा पनि लैजानु भएको छ । ति विरुवा हुर्किएपछि वडाको वातावरणनै परिवर्तन अर्थात हरियाली वडा हुन सक्ने छ,’ वडा अध्यक्ष खुलालले भने । बाहिरबाट आयात हुने फलफुल जन्य बस्तुहरु वडा भित्र नै उत्पादन गरेर अन्य वडामा निर्यात गर्न सकेमा वडालाई समृद्ध बनाउन सकिने वडाध्यक्ष खुलालको भनाई छ । यसले हरेक वडाबासी आर्थिक रुपमा आत्मनिर्भर हुन सक्छन् ।
वडा कार्यालय मार्फत् हावापानी अनुकुल बिरुवाहरु वितरण गरिएकोमा स्थानीय कृषकहरु समेत उत्साहित देखिएका छन् । कृषि बिज्ञहरुसँगको परामर्शमा वडाले बिरुवा वितरण गरेकाले यसले कृषकलाई पनि राहत मिलेको स्थानीय आर्यन ढकालले बताए । कृषकले आफ्नै ठाउँमा केही गर्न सकेमा परनिर्भता पनि हुनु नपर्ने ढकालको भनाई छ । वडालाई समृद्धी र आत्मनिर्भर बनाउनका लागि हरेकपल सक्रिय हुन थालेको वडाको यो अभियानलाई सवैले खुलेर सहयोग गर्न पनि ढकालले अनुरोध गरेका छन् ।
वडाले मसला, टिक, तेजपात, अमला, रातो पूmल्ने सिरिस, भटमासे, खमारी, मेन्दुला, टाँकी लगायतका रुख तथा छायादार फलपूmलका विरुवा वडाका नागरिकलाई प्रदान गरेको हो । यी विरुवाको नियमित मल जल र गोडमेल गर्न सबै वडाबासीलाई अध्यक्ष खुलालले अनुरोध गरेका छन् ।
वडाका अनुसार अवको पाँचवर्षमा वडाका हरेक घरमा हरियाली हुने छन् । बाँझो तथा खालि जग्गा क्षेत्रमा पनि रुख, फलपूmल र छायाँदार बोट विरुवा रोप्न वडा अध्यक्ष खुलालले सबैवडाबासी संग अनुरोध गरेका छन् । वडाको सहजिकरणमा डिभिजन बनकार्यालयले दिएको विरुवामा वडाबासीले दोव्बर विरुवा रोप्न सके जलबायु परिवर्तका कारण देखिन थालेको असर विस्तारै घट्ने वडा अध्यक्ष खुलालले बताए ।
वडाबासीका अनुसार वडा अध्यक्ष खुलाल ‘भिजनेवल’ नेता हुन् । दुईपटक वडा अध्यक्ष पदमा सर्वाधिक मत ले बिजयी बनेका खुलाल दिर्घकालिन सोच, लक्ष्य र रणनीति तय गर्न र सामूहिक रुपमा छलफल गरेर योजना बनाउन माहिर छन् । खुलालको वडा अन्य वडा भन्दा केन्द्र र प्रदेशको बजेट भित्र्याउन शिवसताक्षी नगरका ११ वटै वडा मध्ये एक नम्बर मा छ । संघिय र प्रदेश सरकारको बजेट उनको वडामा पालिकाले ११ वटै वडालाई दिएको वडा सिलिङ बजेटको तेब्बर भन्दा माथि छ ।
संघिय र प्रदेश सरकारको बजेटले कृषी बजार, नगर अस्पताल, सडकको स्तरोन्नती, नाला, पशु विमा, विपन्न स्वास्थ्य विमा, कनकाईमा पूल, एक घर एक सुपारीका विरुवा लगायतका सयौ कार्यक्रममा खर्च भएको छ । कतिपय योजना निमार्णधिन अवस्थामा छन् ।
उपल्ला दुई वटा सरकारको बजेट वडामा भित्र्याउन वडा अध्यक्ष खुलाल एक्लैको बलबुता काफी रहेको उनिसंगै निर्वाचन लडेर पराजित भएका नेता बताउँछन् । अधिकाँस वडाबासी भन्छन्,‘वडा अध्यक्ष खुलाललाई मेयर पदका लागि अब आशिर्वाद छ । किनभने उनि नगरका लागि ‘भिजनेवल’ नेता हुन् । उहाँमा काम गर्ने शैलि र तौर तरिका शिवसताक्षी नगरमा अरु जनप्रतिनिधिको भन्दा बेग्लै छ ।’
