झापा । विप्लव नेतृत्वको नेपाल कम्युनिस्ट पार्टीका पोलिटब्युरो सदस्य तथा कोशी प्रदेश इन्चार्ज दिपेश सी ले पछिल्लो समय नेपाल रुपान्तरणको उत्कर्षमा रहेको बताएका छन्।
आज झापाको सुरुङ्गामा सम्पन्न झापा जिल्ला कमिटीको छैठौं पुर्ण बैठकलाई सम्बोधन गर्दै उनले यस्तो बताएका हुन्। पछिल्लोपटक नेपालमा अन्तर्राष्ट्रिय शक्ति राष्ट्रहरुले विभिन्न ढंगले खेल्ने काम गरिरहेकाले राजनिती, आर्थिक , सांस्कृतिक हरेक हिसाबले नेपाल रुपान्तरणको उत्कर्षमा पुगेको उनले बताए।
जिल्ला बैठकलाई सम्बोधन गर्दै क्रान्तिकारीहरुका विरुद्ध साम्राज्यवादी शक्तिहरु लागि परेकाले यसलाई चिर्नुपर्ने परिस्थिति रहेको उनले बताए। पछिल्लो समय प्रविधिको विकास तिव्र भएकोले क्रान्ति सम्भव नभएको भन्ने कुरा गलत रहेको बताउँदै प्रविधिको विकास हुने बित्तिकै क्रान्ति हुन्न भन्ने कुरा भ्रम रहेको बताए ।
प्रविधिहरु खतरा मात्रै नभएर सुरक्षित पनि रहेको र त्यसको प्रयोगमा भर पर्ने बताउँदै त्यसको लागि नेपाल कम्युनिस्ट पार्टी सक्षम रहेकोले दलालहरुले नेकपालाई कमजोर नआँक्न उनले चेतावनी दिए ।
पछिल्लो समय रविन्द्र मिश्रले काम नकाटेका कारण रविहरुलाई पश्चिमा शक्तिले अघि सारेको टिप्पणी गर्दै उनले नेपाललाई अशान्त बनाउन पश्चिमा शक्तिहरु लागि परिरहेको उनले बताए ।
पछिल्लो समय पार्टी विरुद्धको गतिविधिमा अराजक टिप्पणी बढ्दै गएको प्रति इङ्गित गर्दै उनले यस्ता अराजक तत्वहरुलाई पार्टीले जनताको उपस्थितिमा जनकारबाही गर्ने चेतावनी समेत दिएका छन्।
Nepali