झाप। विप्लव नेतृत्वको नेपाल कम्युनिस्ट पार्टीका केन्द्रीय सदस्य तथा झापा जिल्ला इन्चार्ज सुमनसिंह सी ले नेपालमा जुनसुकै बेला जनताले विद्रोह गर्न सक्ने परिस्थिति देखा परेको र त्यसको निर्णायक नेतृत्व अग्र भागमा रहेर नेपाल कम्युनिस्ट पार्टीले गर्ने बताएका छन्।
आज झापाको सुरुङ्गामा जारी पार्टीको छैठौं जिल्ला बैठकमा आफ्नो धारणा राख्दै नेता सिंहले नेपालमा नयाँ ढंगले विदेशी साम्राज्यवादी शक्तिहरुले षड्यन्त्र गरिरहेको र जनता त्यसको विरुद्ध रहेकाले यसका लागि तयारी अवस्थामा रहन पार्टीका नेताकार्यकर्तालाई निर्देश गरेका छन्।
दलाल पुजीवादी व्यवस्थालाई मिल्काउने ताकत नेकपा सँग रहेको र जनताले समेत एक मात्रै आशा भरोसाका रुपमा अहिले नेकपालाई मानिरहेका बेला अब जित्ने गरीको आन्दोलनको तयारी अवस्थामा रहनुपर्ने बेला आएको उनले बताएका छन्।
हरेक नेपाली जनता अहिलेको साशक र यो व्यवस्थाका विरुद्ध रहेकाले जनता विद्रोहको तयारीमा रहेको र त्यसको नेतृत्व लिन पार्टीका हरेक नेताकार्यकर्ता आफ्नो स्थानबाट तयारी अवस्थामा रहने गरी अघि बढ्न नेता सिंहले निर्देश गरेका छन्।
नेपाली विशेषताको समाजवाद छिट्टै प्राप्त हुने र जनता जितको नजिक रहेकाले संघर्षलाई थप पेचीलो बनाएर अघि बढ्न समेत उनले निर्देशन दिएका हुन्।
Nepali