मेचीनगर । झापाको मेचीनगर ८ स्थित शान्ति वन बाटिकामा जारी प्रथम इँटाभट्टा फुटबल प्रतियोगितामा ह्याप्पी क्लव काँकरभिट्टाले विजयी सुरुवात गरेको छ । आज सम्पन्न खेलमा डि एफसी क्लब बाहुण्डाँगीलाई ४-२ गोल अन्तरले पराजित गर्दै ह्याप्पी क्लवले अन्तिम चारको यात्रा तय गरेको हो ।
इँटाभट्टा फुटबल क्लबको आयोजनामा मेचीनगर ८ स्थित शान्ती वन वटिका खेलमैदानमा सञ्चालन भइरहेको जिल्ला स्तरिय फुटवल प्रतियोगिताको विजेता टिमले नगद १ लाख ११ हजार १११ र उपविजेताले ५१ हजार १११ सहित आकर्षक ट्रफी पाउने छ ।
यसैगरी, विधागततर्फ पुरस्कृत खेलाडीले जनही ५-५ हजार र सर्वोत्कृष्ट खेलाडीले नगद १५ हजार पाउने छन् ।
प्रतियोगिताको सहआयोजक मेचीनगर ८ नम्बर वडा कार्यालय रहेको छ । प्रतियोगितामा आठ वटा टोलीले सहभागीता जनाएको आयोजक क्लबका अध्यक्ष मनकुमार लिम्बूले जानकारी दिए ।
अत्यन्तै रोचक बनिरहेको प्रतियोगिता अन्तर्गत चौथो दिन सोमबार (भोली) को खेल आयोजक र चन्द्रगढी क्लव बिच हुने आयोजक इँटाभट्टा फुटबल क्लबका सचिव रामकुमार गिरीले जानकारी दिए ।
Nepali