काठमाडौं | देशको शासन प्रशासन चल्ने काठमाडौंबाट देश हराउंदै गएको भन्दै देश मुटुमा राखेर बहस गर्न जेनजी अभियान्ताहरुलाई नेकपा केन्द्रिय सदस्य तथा युवा नेया सुमनसिंहले आव्हान गरेका छन ।
मंगलबार रिपोटर्स क्लब काठमाडौंमा आयोजित पत्रकार सम्मेलन मार्फत शुसिला कार्की नेतृत्वको सरकार कसले बनायो ? कसरी बन्यो ? यो खोजी गर्न आवश्यक भएको उनले बताए ।
उनले सतहमा आएका सबै घटना हेर्दा यो सरकार बिदेशिले निर्माण गरिदिएको छर्लङ भएको बताए । गलत आधार र रहस्यमयी तरिकाबाट बनेको कार्की नेतृत्वको सरकार अपदस्त गरेर सर्वपक्षीय अन्तरिम सरकार गठन गर्नु पर्ने सिंहले बताए ।
देशभक्त युवा अभियान नेपाल द्वारा आयोजित पत्रकार सम्मेलनको संयोजन भ्रष्टाचार बिरुद्धका अभियान्ता प्रकाश साहीले गरेका थिए भने आधा दर्जन युवाहरुले आफ्नो भनाई राखेका थिए । सुमनसिंहले भने देश जगाउन यो अभियान देशैभरी लगिने छ । पुर्वमा पनि यो अभियान सुरु गर्ने र सबै देशभक्त युवाहरुलाई जुट्न अपिल समेत गरेका छन ।
Nepali