मेचीनगर। काकडभिट्टा बहुमुखी क्याम्पसको २७औँ स्थापना दिवस तथा वार्षिकोत्सव सोमबार विविध कार्यक्रमका साथ सम्पन्न भएको छ। कार्यक्रमको उद्घाटन प्रमुख अतिथि कोशी प्रदेशसभा सदस्य गोपाल तामाङले पानसमा दीप प्रज्वलन गरी गर्नुभयो।
उहाँले गुणस्तरीय शिक्षा हरेक नागरिकको मौलिक अधिकार भएको उल्लेख गर्दै सामुदायिक क्याम्पसको संरक्षण र सुधारमा सबै पक्षको भूमिका आवश्यक रहेको बताउनुभयो।
वार्षिकोत्सवका अवसरमा व्यवस्थापन संकायका शिक्षक मणिकुमार लिम्बु, शिक्षा संकायका शिक्षक पुष्पप्रसाद पौडेल तथा कर्मचारी कृष्ण राजवंशी लाई सम्मान गरिएको थियो। 
साहित्यिक कार्यक्रममा कवितातर्फ नविन फूयाँल (प्रथम), युवराज राई (दोस्रो) र अभिषेक राजवंशी (तेस्रो) भए।
शैक्षिक उत्कृष्टतामा प्रास्ना गिरी र अनुप राई पुरस्कृत भए।
स्नातक तह व्यवस्थापन संकाय बोर्ड परीक्षामा उत्कृष्ट अंक ल्याउने अंकिता राजवंशी, समिर फूयाँल, पंकज तामाङ र श्रृजना शर्मा ढुङ्गाना तथा शिक्षा संकायबाट छन्दविक्रम चौहान, मायादेवी चौहान र स्वस्तिक राई लाई शैक्षिक पुरस्कार प्रदान गरियो। 
अन्तर माध्यमिक क्याम्पसस्तरीय बुद्धिचाल प्रतियोगितामा सूर्यकिरण गौतम (प्रथम), प्रयास लकान्द्री (दोस्रो), आरोग्य निरौला (तेस्रो), आकाश बस्नेत (चौथो) र जस्टिन राई (पाँचौँ) भए।
टेबल टेनिस छात्रातर्फ मौसम प्रधान (प्रथम) र कुशल घिमिरे (दोस्रो) तथा छात्रातर्फ अस्मिता राई (प्रथम) र तेजस्वी घिमिरे (दोस्रो) भए। 
नृत्य प्रतियोगितामा मञ्जिता मगर र विद्या वास्तोला (प्रथम), निर्जला राई, रेखा राजवंशी र कुसुम लिम्बु (दोस्रो) तथा प्रशंसा विष्ट, सिफा प्रधान, अञ्जली श्रेष्ठ, रोजिता फूयाँल र स्मारिक दाहाल (तेस्रो) भए।
कार्यक्रम क्याम्पस सञ्चालक समिति अध्यक्ष दुर्गाप्रसाद सापकोटाको अध्यक्षतामा सम्पन्न भएको थियो।
Nepali