झापा । मेचीनगर–३ निवासी बिनोद रिमाल शर्माले आफ्नो ३०औँ जन्मदिनलाई समाजसेवामूलक कार्यमार्फत मनाउँदै प्रेरणादायी उदाहरण प्रस्तुत गरेका छन्।
हाल व्यापारिक सिलसिलामा जिल्ला बाहिर रहेका शर्माले सामाजिक सद्भाव, दृढ इच्छाशक्ति र जिम्मेवारीबोधका साथ जन्मदिनलाई औपचारिक उत्सवमा सीमित नराखी मानवीय सेवामा समर्पित गरेका हुन्। उनले “सानो कर्म भए पनि समाजका लागि केही गर्नुपर्छ” भन्ने भावनासहित यस अभियानको सुरुवात गरेका बताए। 
उनको पहलमा विशाल बास्तोला मार्फत काठमाडौंस्थित मेचीनगरपालिका–१ मा रहेको बाल आश्रम तथा मेचीनगरपालिका–७ स्थित देवाश्री आश्रममा २० हजार रुपैयाँ बराबरको सहयोग प्रदान गरिएको छ। उक्त अवसरमा आश्रममा आश्रित बालबालिका तथा वृद्धहरूलाई भोजन गराइएको, आवश्यक सामग्री वितरण गरिएको तथा केही स्थानमा कुर्सीसमेत प्रदान गरिएको जनाइएको छ।
समाज परिवर्तन एकै पुस्तामा सम्भव छ भन्ने विश्वासलाई व्यवहारमा उतार्दै शर्माले युवापुस्तालाई सामाजिक उत्तरदायित्वप्रति सचेत गराउने कार्य गरेका छन्। उनका यस कर्मलाई स्थानीयवासी तथा शुभेच्छुकहरूले उच्च सम्मानका साथ प्रशंसा गरेका छन्।
यस महान् कार्यको अवसरमा बिनोद रिमाल शर्माको आगामी जीवन स्वस्थ, सहज, सुखद तथा अझ बढी समाजसेवामा समर्पित रहोस् भन्ने कामना व्यक्त गरिएको छ। 
Nepali