झापा। झापा जिल्ला गौरादह नगरपालिका–६ धोपा टोलमा अविरल वर्षासँगै आएको हावाहुरी र चट्याङका कारण गएराती ठूलो क्षति पुगेको छ।
मंगलबार राति २३:३० बजे अजय कुमार झा (५०) को घरस्थित टिन छानो र बाँसले बनाइएको एकतले भान्साघर तथा संगै जोडिएको ग्वालीमा चट्याङ परेपछि आगलागि भएको प्रहरीले जनाएको छ।
आगो लाग्दा मानविय क्षति भने नभएको तर भान्साघर र ग्वाली पूर्णरूपमा जलेर नष्ट भएको छ। घरभित्र रहेको ग्यास सिलिन्डर, ८० के.जि. चामल, भाँडावर्तन, विद्युत मिटर, वाईफाई राउटर, फर्निचर, अन्नपात, साथै ग्वालीमा राखिएका ६ वटा बाख्रा (२ माउ, ४ पाठा) समेत जलेर नष्ट भएका छन्।
सम्पूर्ण क्षति करिब २ लाख ५० हजार रुपैयाँ बराबरको भएको अनुमान गरिएको छ।
घटना भएलगत्तै गौरादह नगरपालिकाको दमकल, नेपाल प्रहरी र स्थानीय बासिन्दाको सहयोगमा राति ०१:００ बजे आगो पूर्णरूपमा नियन्त्रणमा ल्याइएको प्रहरीले बताएको छ।
स्थानीय प्रशासनले आगलागिबारे थप अनुसन्धान जारी राखेको जनाएको छ।
Nepali