मेचीनगर। मेचीनगर–४ स्थित जागेश्वर शिवालय मन्दिरमा सुरक्षा व्यवस्थालाई थप प्रभावकारी बनाउन पाँचवटा सीसी क्यामेरा जडान गरिएको छ। मन्दिर परिसरभित्र चारवटा र बाहिरी सडक क्षेत्रमा एउटा गरी कुल पाँचवटा क्यामेरा जडान गरिएको हो।
मन्दिर समिति, स्थानीयवासी तथा वैदेशिक रोजगारीका सिलसिलामा दुबईमा कार्यरत राहुल भारतीको अग्रसरतामा पछिल्लो समय मन्दिरको भौतिक पूर्वाधार तथा व्यवस्थापनमा उल्लेखनीय सुधार हुँदै आएको छ।
सीसी क्यामेरा खरिदका लागि निकेश श्रेष्ठ, मिलन थुलुङ, चन्द्रिका विश्वकर्मा, सुजता लुङ्गेली, विवेक चौलागाईं र तारा गौतम शिवाकोटीले आर्थिक सहयोग प्रदान गर्नुभएको थियो। यस कार्यको व्यवस्थापन किरण गौतमले गर्नुभएको हो भने क्यामेरा जडानको प्राविधिक कार्य विशाल अधिकारीले र विद्युत जडान रिकेश दाहालले सम्पन्न गर्नुभएको हो।
दुबईमा रहेर पनि मन्दिरको संरक्षण, विकास र व्यवस्थापनमा राहुल भारतीले निरन्तर समन्वयकर्ता तथा सह–अभिभावक (संरक्षक) को भूमिका निर्वाह गर्दै आउनुभएको छ। यस कार्यले मन्दिर परिसरको सुरक्षामा ठूलो टेवा पुगेको मन्दिर समितिका सचिव राम गौतमले जानकारी दिनुभयो।
अब छिट्टै नै ५० वटा गमला र मन्दिरको गेट निर्माण गर्ने पनि समितिले जानकारी दिएको छ।
Nepali