भान्सामा खाना पकाउँदै गरेकी महिलाको सर्पको टोकाइबाट मृत्यु

दमक, झापा। झापाको कमल गाउँपालिकामा सर्पदंशका कारण एक महिलाको मृत्यु भएको छ।
जिल्ला प्रहरी कार्यालयका अनुसार कमल गाउँपालिका–३ बस्ने करिब ४० वर्षीया सरस्वती मगरलाई सोमबार साँझ घरमै खाना पकाउने क्रममा कोब्रा सर्पले डसेको थियो।

डसिएपछि उनलाई तत्काल उपचारका लागि नेपाल रेडक्रस सोसाइटी, दमकमा लगिएको थियो। उपचारकै क्रममा राति १०:४० बजे चिकित्सकले उनलाई मृत घोषणा गरेका हुन्।

घटनाको जानकारी प्राप्त हुनासाथ इलाका प्रहरी कार्यालय दमकबाट प्रहरी टोली खटिएको थियो। घटनाबारे थप अनुसन्धान भइरहेको प्रहरीले जनाएको छ।