विप्लव नेकपाका प्रभावशाली नेता जोखिम तेह्रथुमबाट गिरफ्तार

झापा । विप्लव नेतृत्वको नेपाल कम्युनिस्ट पार्टीका केन्द्रीय सदस्य तथा तेह्रथुम जिल्ला इन्चार्ज जोखिम सी लाई प्रहरीले गिरफ्तार गरेको छ। पार्टी कामको शिलशिलामा रहेका उनलाई तेह्रथुम जिल्ला सदरमुकाम म्याङलुङ्ग बजारबाट हिँडीरहेको अवस्थामा जिल्ला प्रहरी कार्यालय तेह्रथुमले गिरफ्तार गरेको नेकपाले जनाएको छ।

राजनैतिक परिवर्तनको खातिर जीवनभर कठिन संघर्षको इतिहास निर्माण गर्दै निरन्तर संघर्षरत नेता जोखिमलाई पार्टीको विचार र परिवर्तनको राजनीतिलाई जिल्लावासी जनताहरु विचमा प्रवाह गर्ने क्रममा राजनैतिक पुर्वाग्रहका साथ गिरफ्तार गर्नु गणतन्त्र र नागरिक अधिकार विरुद्ध रहेको र यसले राज्यको विधीको शासनको समेत धज्जी उडाएको नेकपाका कोशी इन्चार्ज दिपेश सीले विज्ञप्तिमार्फत उल्लेख गरेका छन्।

परिस्थीतीलाई अनावश्वक रुपमा उत्तेजित बनाउने प्रहरी प्रशासनको यो कदमको घोर भत्सर्ना गर्दै अविलम्व स-सम्मान रिहाइको निम्ती पार्टी कमिटीले अनुरोध गरेको छ।