इलाम। एउटा कुकुरलाई क्रुरतापुर्वक हत्या गरि भिडियो बनाएर
सामाजिक संजाल “भुत प्रेत” नामक फेसबुक पेजमा राख्ने तीनजनालाई प्रहरीले पक्राउ गरेको छ।
गत जेठ ३२ गते एउटा कुकुरलाई लाठ्ठीले बारम्बार प्रहार गरी क्रुरतापुर्वक निर्मम तरिकाले हत्या गरी खाल्डो खनि पुरेको भिडियो अपलोड गरेर भाईरल बनाइएको थियोे ।
उक्त घटना सम्बन्धमा जिल्ला प्रहरी कार्यालय इलाम र मातहत प्रहरीबाट उक्त भिडियो कसले अफलोड गरेको र कुकुरको हत्या कसले गरेको भन्ने बिषयमा अनुसन्धान तथा खोजी कार्य भएको थियोे । सोही क्रममा इलाम जिल्ला देउमाई नगरपालिका ९ जितपुर बस्ने बर्ष २१को दिक्षान्त मोरोहाङ लिम्बु, सोही स्थान बस्ने बर्ष १७ को संगम लिम्बु र सोही स्थान बस्ने बर्ष १७ को अशोक लिम्बुलाई पक्राउ गरी जिल्ला प्रहरी कार्यालय इलाममा ल्याई थप अनुसन्धान भईरहेको प्रहरीले जनाएको छ ।
यसरी कुकुरलाई हत्या गर्ने बिरुद्ध पशु कल्याण संघ नेपालले “पशुपंक्षी सम्बन्धी कसुर” अन्तर्गत आजै जिल्ला प्रहरी कार्यालय इलाममा जाहेरी दरखास्त समेत दिएको प्रहरीले जनाएको छ ।
Nepali