झापा । झापा गाउँपालिका वडा नम्बर १ सालमाराबाट प्रहरीले लागूऔषध सहित दुई जना भारतीय नागरिकलाई नियन्त्रणमा लिएको छ।
इलाका प्रहरी कार्यालय कुमुदखोरबाट खटिएको प्रहरी टोलीले बिहिवार साँझ ७:२० बजेको समयमा सालमारा स्थित झोलुङ्गे पुल बगानमा चेकजाँचका क्रममा प्लास्टिक सहित ब्राउनसुगर २० ग्राम ५५० मिलिग्राम सहित दुई जनालाई नियन्त्रणमा लिएको हो ।
साईकलयात्री भारतको किसनगंज कुतवाभिट्टा नँया टोल बस्ने बर्ष ४० को जुलमात हुसेन र पछाडी सवार सोही स्थानका २० वर्षका तोसिफ आमललाई चेकजाँच गर्ने क्रममा प्रतिबन्धित लागूऔषध सहित नियन्त्रणमा लिएको हो ।
उनिहरुलाई नियन्त्रणमा लिई सो सम्बन्धमा थप अनुसन्धान कार्य जारी रहेको जिल्ला प्रहरी कार्यालय झापाले जनाएको छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
Nepali