राम अधिकारीको कविता संग्रह “सपना र छायाँहरु” प्रकाशन हुँदै

झापा । लामो समयदेखि भर्जिनियामा बसोबास गर्दै आएका राम अधिकारीको कविता संग्रह ” सपना र छायाँहरु” प्रकाशन हुन लागेको छ।

शब्द मिडिया लिमिटेडले प्रकाशन गर्न लागेको उक्त संग्रह यही दशैं/तिहारको समय पारेर प्रकाशन गर्न लागिएको हो । तीस वटा कविताहरु समाबेस उक्त संग्रहमा देशप्रेम, डायस्पोरा, मानवीय सम्बेदना र प्रेमका कविताहरु समेटिएका छन् ।

प्रकाशन हुने कविता संग्रहको लोकार्पणको जानकारी पछि उपलब्ध गराईने भएको छ। उक्त कविता संग्रह अनलाइन प्लाटफर्म बाट पनि उपलब्ध गराईने भएको छ। यसको बिस्तृत जानकारी पनि प्रकाशन पछि उपलब्ध गराईने भएको छ । अधिकारीले कविता, कथाका साथै समालोचनाका क्षेत्रमा कलम चलाउँछन। कपिलवस्तुमा जन्मिएर भर्जिनियामा बस्दै आएका अधिकारीको यो पहिलो कविता कृति हो।