बाहुण्डाँगी । बाहुण्डाँगी जेसीज वर्ष २०२५ को अध्यक्ष पदमा नित्यानन्द चम्लगाईं सर्वसम्मत चयन भएका छन् ।
बुधबार जेसीज सचिवालय भवनमा भएको पूर्वअध्यक्षहरु सहितको आम भेलाले चम्लगाईँको नेतृत्वमा वर्ष २०२५ का लागि कार्यसमिति चयन गरेको हो ।
समिति कार्यकारिणी उपाध्यक्षमा रोशन गिरी र किरण गौतम चयन भएका छन् । त्यस्तै उपाध्यक्षहरुमा बिमल रणपहेली, रीना दर्जी, एलिस पौडेल तथा प्रविण चापागाईं चयन भए ।
त्यसैगरी महासचिवमा सुष्मा मिश्र, कानुनी सल्लाहकारमा अनिष काफ्ले एवम् कोषाध्यक्षमा डिल्लिराज भारती चयन भएको निर्वाचन समितिका संयोजक हेमन्त मोक्तानले बताए ।
देबु बानियाको अध्यक्षतामा भएको भेलामा पूर्वअध्यक्षहरु बद्री निरौला, दिपक बराल, पुष्कर ढकाल, जीवन मोतेलगायत उपस्थित थिए ।
वर्ष २०२४ का अध्यक्ष देबु बानियाँको सभापतित्वमा सम्पन्न भेलाको संचालन निवर्तमान अध्यक्ष तथा निर्वाचन समिति सदस्य केवल निरौलाले गरेका थिए ।
Nepali