दिन: २०८१ मंसिर १९, बुधबार

बिर्तामोड । दस दिनपछि हुने बिर्तामोड झापा कप अन्तर्राष्ट्रिय आमन्त्रण फुटबल प्रतियोगिताको तयारी अन्तिम चरणमा पुगेको छ । मोफसलको चर्चित फुटबल क्लब झापा ११ एफसीको आयोजनामा हुन लागेको प्रतियोगिताका लागि अस्थायी प्यारापिट निर्माण सम्पन्न भएको छ । १० हजार दर्शक क्षमताको बाँसको अस्थायी प्यारापिट बनाइएको छ । त्यस्तै, प्रतियोगितालाई अझ उत्कृष्ट, भव्य र परिष्कृत बनाउनका लागि सम्पूर्ण तयारी अन्तिम चरणमा पुगेको क्लबका अध्यक्ष जलकुमार गुरुङले जानकारी दिए । छोटो समयमै खेलमैदान उत्कृष्ट र शानदार बनाइएको छ । यही मंसिर २९ गतेदेखि बिर्तामोड–३ मा रहेको डोमालाल राजवंशी रंगशालामा हुने प्रतियोगिताका लागि मैदानको झार छाँटेर रंगशालालाई पुरानै अवस्थामा पु¥याइएको छ । डोमालाल…

बाहुण्डाँगी । बाहुण्डाँगी जेसीज वर्ष २०२५ को अध्यक्ष पदमा नित्यानन्द चम्लगाईं सर्वसम्मत चयन भएका छन् । बुधबार जेसीज सचिवालय भवनमा भएको पूर्वअध्यक्षहरु सहितको आम भेलाले चम्लगाईँको नेतृत्वमा वर्ष २०२५ का लागि कार्यसमिति चयन गरेको हो । समिति कार्यकारिणी उपाध्यक्षमा रोशन गिरी र किरण गौतम चयन भएका छन् । त्यस्तै उपाध्यक्षहरुमा बिमल रणपहेली, रीना दर्जी, एलिस पौडेल तथा प्रविण चापागाईं चयन भए । त्यसैगरी महासचिवमा सुष्मा मिश्र, कानुनी सल्लाहकारमा अनिष काफ्ले एवम् कोषाध्यक्षमा डिल्लिराज भारती चयन भएको निर्वाचन समितिका संयोजक हेमन्त मोक्तानले बताए । देबु बानियाको अध्यक्षतामा भएको भेलामा पूर्वअध्यक्षहरु बद्री निरौला, दिपक बराल, पुष्कर ढकाल, जीवन मोतेलगायत उपस्थित थिए ।…

दाङ । नेपाल पत्रकार महासंघ दाङ शाखामा अनिश्चितकालीन तालाबन्दी गरिएको छ । बुधबार जनपत्रकार संगठन नेपाल जिल्ला समिति दाङले एक प्रेस विज्ञप्ति जारी गर्दै शाखामा अनिश्चितकालीन तालाबन्दी गरेको हो । जनपत्रकार संगठन नेपाल दाङ जिल्ला अध्यक्ष हेमन्तप्रकाश वली सहितको टोलिले बुधबार पत्रकार महासंघले सार्वजनिक गरेको सदस्यता नामावलीप्रति असन्तुष्टि जनाउँदै तालाबन्दी गरेको हो । संगठनका जिल्ला अध्यक्ष हेमन्तप्रकाश वलीद्वारा जारी प्रेस विज्ञप्तिमा भनिएको छ– ‘ नेपाल पत्रकार महासंघले आसन्न मसिर २८ गते निर्वाचन सम्पन्न गर्ने गरी सार्वजनिक गरेको सदस्यता नामावलीप्रति जनपत्रकार संगठन नेपाल जिल्ला समिति दाङको गम्भिर ध्यानाकर्षण भएको छ । महासंघले यसको इतिहास, गरिमा र आदर्शको धज्जी उडाउदै दलिय सिन्डीकेटको…

झापा । विप्लव नेतृत्वको नेपाल कम्युनिस्ट पार्टी निकट विद्यार्थी संगठनको कार्यक्रममा स्ववियुले अवरोध गरेको छ। विर्तामोड स्थित इन्द्र चन्द्र क्याम्पसमा स्ववियुले अवरोध गरेको भन्दै संगठनका झापा अध्यक्ष डिपी सी ले विज्ञप्ति जारी गर्दै चेतावनी दिएका छन्। विप्लव निकट विद्यार्थी संगठनले अहिले युद्ध ग्रस्त गाजाका बालबालिका तथा विद्यार्थीहरुका लागि देशभर सहयोग संकलन गर्दै आएको छ। इजराइल र हमास वीच गाजा क्षेत्रमा विगत एक वर्ष देखि निरन्तर लडाइँ भइरहेको छ। युद्धको कारण ४५ हजार भन्दा धेरै मानिसको मृत्यु भएको तथ्य सार्वजनिक भएको छ। त्यसमा सबै भन्दा धेरै बालबालिका तथा विद्यार्थीहरु प्रभावित भएको छ। गाजा क्षेत्रका विद्यार्थी तथा बालबालिकाको अवस्था एकदमै पीडादायी रहेको…