मेचीनगर । झापाको मेचीनगर –४ बाहुनडाँगीमा जेष्ठ नागरिक लाई लक्षित गरि व्यायामशाला संचालनमा ल्याइएको छ । जेष्ठ नागरिक व्यामशालाको शुक्रबार मेचीनगर नगरपालिकाका प्रमुख गोपालचन्द्र बुढाथोकीले उद्घाटन गरेका छन् । मेचीनगर–६, हाल हङकङ निवासी नरेन्द्रकुमार गुरुङ तथा पुष्पा गुरुङले व्ययाम सामाग्री उपलब्ध गराएपछि व्यामशालाको निर्माण गरिएको हो । बाहुनडाँगी आयूर्वेदिक औषधालयको खाली जमिनमा व्ययामशाला निर्माण गरिएको छ ।

व्यामशाला उद्घाटन गर्दै नगर प्रमुख बुढाथोकीले स्वास्थ जीवनका लागि व्यायामशाला अति आवश्यक रहेको बताए । उनले दैनिक रुपमा कम्तीमा एक घण्टा शारीरिक व्यायाम गर्न आवश्यक रहेको बताउँदै मेचीनगर -४ बाट सुरु भएको यो अभियान अन्य वडामा पनि सुरु गर्न आवश्यक रहेको बताए । नगर प्रमुख बुढाथोकीले व्यायामशाला सञ्चालन तथा थप सामाग्रीहरुका लागि नगरपालिकाको सहयोग रहने प्रतिवद्धता समेत व्यक्त गरेका छन् ।

कार्यक्रममा माइती नेपालका पूर्वाञ्चल प्रमुख गोविन्द घिमिरे, शक्ति नेपालकी मीरा भट्टराई, मेचीनगर वडा नं १ का वडाध्यक्ष रामकुमार राई, नेकपा एमालेका युवा नेता प्रविन भण्डारी, मेचीनगर ४ का वडा सदस्य पवन बराइली लगायतको उपस्थीति रहेको थियो ।

मेचीनगर नगरपालिका वडा नं ४ का वडा अध्यक्ष अर्जुन कार्कीको अध्यक्षतामा सम्पन्न व्यामशाला उद्घाटन कार्यक्रमको स्वागत वडा सदस्य गीता मगरले गरेकी थिइन् ।

grace