झापा । नेकपा एमाले निकट पत्रकार संगठन प्रेस चौतारी झापाको अध्यक्ष पदमा तीनजनाको दावी परेको छ।
हालसम्म अध्यक्ष पदको दावेदारमा प्रदिप परियार, प्रकाश पौडेल र विशाल नेम्वाङको नाम अगाडि बढेको विशेष स्रोतको दावी छ। यसअघि संगठनको जिल्ला उपाध्यक्ष रहेका प्रदिप परियार यसपटक अध्यक्ष पदको दावेदार छन्। उनी हालै सम्पन्न निर्वाचनबाट नेपाल पत्रकार महासंघ झापाका निर्वाचित सचिव समेत हुन्।
यस्तै अर्का उम्मेदवार प्रकाश पौडेल हाल संगठनका जिल्ला सचिव हुन् । उनी पनि अध्यक्ष पदको दावेदार हुन्। अर्का उम्मेदवार विशाल नेम्वाङ पनि अध्यक्षका दावेदार हुन्। उनी संगठनका प्रदेश सचिव समेत हुन्। अहिले संगठनले सर्वसम्मत अध्यक्ष बनाउने प्रयत्न गरिरहे पनि तीनजनाको दावीका कारण निर्वाचन हुनसक्ने सम्भावना देखिन्छ ।
यस्तै संगठनको महिला उपाध्यक्ष पदमा सुनिरा मैनाली र अस्मिता साँखिको दावी छ भने खुल्ला उपाध्यक्षमा राजु पोख्रेलको नाम अगाडि बढेको छ। सचिव पदमा पनि ३ जनाको दावी छ। सचिवका दावेदारहरु युवराज आचार्य , तिलक योञ्जन र अच्युत सुवेदी रहेका छन् भने सह – सचिवमा सरोज पौडेल र भुमि पराजुलीको नाम रहेको छ। जिल्ला अधिवेशन ११ गते शुक्रबार बिर्तामोडमा हुँदैछ ।
Nepali