काठमाडौं । कीर्तिपुरस्थित त्रिभुवन विश्वविद्यालय (त्रिवि) अन्तर्राष्ट्रिय क्रिकेट मैदानको स्तरोन्नतिको काम तीव्र गतिमा अगाडि बढिरहेको छ। त्यसैक्रममा मैदानमा जडान गरिने फ्लडलाइट टावरहरू बुधबार काठमाडौं आइपुगेका छन्।
भारतको उत्तरप्रदेशबाट करिब ९ दिनको यात्रा गर्दै ती टावरहरू राजधानी ल्याइएको हो। हाल ती टावरहरू मैदानको बाहिरी क्षेत्रमा राखिएको छ र छिट्टै जडान कार्य सुरु गरिनेछ।
रात्रिकालीन खेल सञ्चालनका लागि अत्यावश्यक मानिने फ्लडलाइट जडान र प्याराफिट विस्तारको काम बीकेओआई–केसीडिसी–बीजी जेभीले गरिरहेको छ। यो परियोजनाको कुल लागत रु ४३ करोड ७७ लाख ३० हजार ११३ रहेको छ।
त्रिवि क्रिकेट मैदानलाई अन्तर्राष्ट्रिय मापदण्डअनुसार स्तरोन्नति गर्दै नियमित दिन तथा रातमा खेल सञ्चालन गर्न सकिने बनाउने लक्ष्य लिइएको छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
Nepali