पैनिमा डुबेर मेचीनगरका एक युवाको मृत्यु

झापा । झापाको मेचीनगर नगरपालिका–५ स्थित सिताराम टोलका एक व्यक्ति पैनिमा डुबेर मृत अवस्थामा फेला परेका छन्।

बुधबार राति अन्दाजी ८: ३५ बजे स्थानीय शुक ब. सुब्बाका ३७ वर्षीय छोरा उत्तम सुब्बा घरदेखि करिब ३०० मिटर दक्षिणतर्फ रहेको पैनिमा डुबेको अवस्थामा मृत फेला परेका हुन्।

घटनाबारे जानकारी पाएलगत्तै साँझ ८:४० बजे इलाका प्रहरी कार्यालय काँकरभिट्टाबाट अनुसन्धान र कानुनी प्रक्रिया अघि बढाइएको छ। प्रहरीका अनुसार घटनाबारे थप अनुसन्धान भइरहेको छ।